Канон положению ризы и пояса Пресвятыя Богородицы - творение свт. Климента Охридскаго.

Канон положению ризы и пояса Пресвятыя Богородицы, глас 7.

[Творение святаго равноапостольнаго Климента Охридскаго].

Песнь 1.

Ирмос: От струй Чермна́го / сте́ну сотво́ршему лю́дем / и покры́вшему глубино́ю фарао́на со всево́инством, / пои́м Го́сподеви, сла́вно бо просла́вися.

Разверзи устне ми, Светодавца молящи Пречистая Владычице, озари ми душу и тело, язык уясни Твое, Пречистая, преставление воспевающаго.

Небо второе Владыка Тя сотвори, в Твое, Пречистая, чрево вселися, и на Небеса к Себе престави Тя, мирови Тобою избавление подая.

Гефсимание веселися, Небеси себе подобящи, живоносное Пречистое Небо приемлющи, Яже отверзе двери породныя, и на Небеса взыде к Безначальному Сынови.

Двери Небесныя рождеством Си отверзши, [яко] двери породныя паки мя приими, соблазны вся и грехи потребльши, ризе и поясу честно поклонитися.

Песнь 3.

Ирмос: Утверди́ся се́рдце мое́ в Го́споде, / вознесе́ся рог мой в Бо́зе мое́м, / разшири́шася на враги́ моя́ уста́ моя́, / возвесели́хся о спасе́нии Твое́м.

Веселятся Небеса и вся тварь с землею, ужасно чудимся: во гробе ныне приникше и не обретше телесе, но ризе и поясу достойно поклонимся.

Небесная воинства темна [мя] возрастом подвигнете на поклонение днесь ризе и поясу честно, имаже окриляющи мя [Чистая], противнаго ми свяжи.

Тебе славят херувими, начала и власти вся: яко в Тебе Владыка безсеменно плоть приим, и Тобою обновляет род землен, Пречистая Владычице.

С Гавриилом Ти, Госпоже, похвально вопием днесь: радуйся, Граде душевный, в Немже пожит Христос и не остави Тебе на земли, но на небесное житие, Пречистая, устрои Тя.

Песнь 4.

Ирмос: Услы́шах слух Твой и убоя́хся, Го́споди, / разуме́х дела́ Твоя́ и ужасо́хся, / я́ко Кресто́м Твои́м разруши́л еси́ смерть, / Живо́т нам дарова́вый.

Чудо бе зрети Небесе душевна преставление из гроба к Неприступному и Живоносному Телу, Матерь Превечнаго в безконечну жизнь приступающу.

Изрецы убо ныне личе святых собираемь на облацех, чудеси удивлься, от конец вселенныя на преставление текущ Матере Господни, в свет приступающия.

Веселится днесь Небо, и земля освещаема светло, преставление приемлющи Матере Господни, Яже остави святыню, ризу и пояс земным.

Тя присно Девую, Истинну Богородицу славим вси, Яже образовася боговидцу Моисею, неопально, Пречистая, купина огню примешшися.

Песнь 5.

Ирмос: Го́споди Бо́же мой, / от но́щи у́треневав, Тебе́ молю́ся: / пода́ждь ми оставле́ние прегреше́ний мои́х / и к све́ту Твои́х повеле́ний / пути́ моя́ напра́ви, молю́ся.

Приими, Пречистая Госпоже, молебную похвалу и подаждь рабом Си очищение грех, Тя бо имуще на помощь земнии, ризе Ти и поясу покланяемся.

Невозделанная Нива Класа рождши Животнаго, и к животу преставися, ризу и пояс оставльши на святыню земным, еюже окрили ны от вражия нападения.

Облачаяй небеса облаки, плотию Себе в Тебе облече, от Отца Превечна рождество нетленно имый, и нетленна Тя облака сотворь исперва, вознесе в Небесную обитель.

Песнь 6.

Ирмос: Во глубину́ грехо́вную впа́дся, Бла́же, / я́ко Ио́на от ки́та, вопию́ Ти: / возведи́ от тли живо́т мой / и спаси́ мя, Человеколю́бче.

Исаия жезл Тя видев прозябш из корене Иесеова, Пречистая, из негоже Цвет без тли процвете и мира сего обнови.

Образно Тебе пророцы прочерташа, различно именующе, Пречистая Госпоже, в двери небесныя, имиже пройде Слово воплощся, вознесе.

Воздвигни мя, страстьми зле одержима, молящи Безсеменнаго Сына и Бога, вся человеки, Пречистая, Тобою обновляюща.

Приими наша мольбы умиленныя, и отпусти наша безчисленныя соблазны, Госпоже, победу на враги подавающи рабом Си Тя хвалящим.

Песнь 7.

Ирмос: А́нгелом о́троки в пещи́ спасы́й / и пла́мень в ро́су им преложи́вый, / благослове́н еси́, Го́споди, / Бо́же оте́ц на́ших.

Разреши мя, Чистая, связанна страстьми, Разрешителя порождши плотию, Иже пречистое тело престави в вечную жизнь.

Трапезо духовная, Живоносна Хлеба понесши во чреве, и рождши Его, Пречистая, плотию, Иже пресвятую Ти плоть престави в Небесная села.

Страшно дивятся Небесныя силы, из гроба плотию возносяще Тя выспрь, поюще, Пречистая Владычице: Еяже ризе и поясу кланяемся.

Во славе предстоящи неизреченне, причастники сотвори поющия Ти верно святое преставление, греховный мрак ражденущи.

Песнь 8.

Ирмос: А́нгельми немо́лчно в Вы́шних сла́вимаго Бо́га, / Небеса́ небе́с, земля́, и го́ры, и хо́лми, и глубина́, / и весь род челове́ческий, / пе́сньми Того́, я́ко Создателя и Изба́вителя, благослови́те.

Кто изрещи может тайны Твоя и похвалити: Иже в Тя вселися, Дево Пречистая, Егоже хвалят херувими и силы безплотныя, Тобою же свободу прияхом от греховнаго ига. Темже вопием Ти, Благословенная: спаси души наша.

Лицы безплотнии трепетно в преставление Твое, Пречистая, со ангелы страшно дивящеся: Слова Божия бо рождшую плотию без семене, и душу Твою приемлюща, без тли тело Твое соблюдша. Темже ради вопию: благословите.

Иаков Тя древле лествицу провиде святую, Еюже Слово Отче плоть из Тебе прият, и райския двери отверзе, из гроба же паки на Небо к Себе возводит. Темже вопием: Благословенная, моли спастися нам.

Марие Мати Безначальнаго Бога, рода землена поминай, мольбами Си от грех очищающи причастники жизни вечныя сотвори, да безпрестани воспоем радостным гласом: благословите.

Песнь 9.

Ирмос: Безсе́менно Рождества́ зача́тие кто ска́жет от челове́к? / Нетле́ннаго Рождества́ рожде́нию кто не почуди́тся от земноро́дных? / Тем Тя, племена́ земна́я, / Богоро́дице, велича́ем.

Естеством Превечный Бог из Отца безначально рождество имый, из Девы паки плоть приялъ есть, хотя в первую жизнь возвратити ны. Тем радостным гласом хвалим Тя, Прерадованная.

Не отврати нас от Твоего лица, Пречистая Богородице, но окрили ны ризою честною, юже остави земным на святьбу. Тем радостно, Госпоже, вопием: радуйся, Обрадованная Господь с Тобою.

Тьму греховную отжени, Мати Божия, избавляющи мя от грех и мрачения, Тя бо едину Помощницу имамы христиане, Дево Прерадованная, избави ны от напастей наших.

Примечание: Текст приводится в русской редакции церковно-славянского языка. Также указан глас и добавлены ирмосы.

Источник: Климент Охридски. Слова и служби. – С. 2008.

Древнейший канон Успению Пресвятой Богородицы.

Древнейший канон Успению Пресвятой Богородицы, глас 3.

Песнь 1. Поим Господеви:

Ирмос: Пои́м Го́сподеви, / сотво́ршему ди́вная чудеса́ в Чермне́м мо́ри, / по́нтом бо покры́ проти́вныя и спасе́ Изра́иля, / Тому́ Еди́ному пои́м, я́ко просла́вися.

Воспоим Господеви, преставльшему Всенепорочную Матерь Свою Деву, и явльшему Ю несравненно превыше Сил небесных, и светом Божества Тую украсшему.

Всех верных множество, о Богородице Непорочная, ныне преставлению Твоему в песнех радуется, молитвами бо Твоими оставление грехов даруется.

Непорочная Мати и Дево, умоли Господа нашего даровати спасение нам. Того ради славишися, мы же благодарственно вопием: славно бо прославися!

Песнь 2. Вонми небо:

Ирмос: Вонми́, земле́ и не́бо, / и внуши́ глаго́лы моя́, / возглаго́лю бо на земли́ Бо́жия чудеса́.

Ущедри уповающия на Тя, Господи Боже мой, молитвами Богородицы Твоея.

Истинен и праведен есть Господь, яко возвеличи упокоение Рождшия Его.

Ирмос: Ви́дите, ви́дите, я́ко Аз есмь Спас ми́ра, / Свет и́стинный, Исто́чник жи́зни, / Сын Бо́жий.

Видите, видите Господа Бога нашего, просветившаго преставление Рождшия Его и исцелившаго болезни.

Слава Тебе, слава Тебе, Царю славы, преставльшему Матерь Свою к жизни вечней. Еяже молитвами помилуй поющия Тя.

Песнь 3. Утверди:

Ирмос: Утверди́ся се́рдце мое́ в Го́споде, / вознесе́ся рог мой в Бо́зе мое́м, / я́ко несть свят, па́че Тебе́, Го́споди.

Утвердися сердце мое в Господе, и вознесеся рог мой в Бозе моем, яко возвеличи днесь преставление Рождшия Его.

Радости исполнися днесь Дева в преставлении от мира, Господи, ко свету безконечному.

Матери Твоей, Христе, Богородице воспеваем вернии непрестанно, молитвами Ея избави души наша от всякаго искушения.

Песнь 4. Господи, услышах:

Ирмос: Господи, услышах слух Твой и убояхся, / разумех дела Твоя и ужасохся.

В преставлении Твоем, Богородице Непорочная, молении Твоими умоли о молящих Тя.

Воспеваем Тя, Пресвятая Дево, и славим Христа Бога, воплотившагося от Тебе.

Чудесами милости Твоея исправи мя, просвети, Человеколюбче, поющия Рождшую Тя.

Песнь 5. От нощи:

Ирмос: Твой мир даждь нам, Сы́не Бо́жий, / ино́го бо, ра́зве Тебе́, Бо́га не ве́мы, / в Вы́шних со Отце́м и Ду́хом сла́вимаго.

От нощи утренююще воспеваем Тя, Христе Боже, и молимся Тебе, Человеколюбче, спаси нас молитвами Рождшия Тя.

Собори верных воспевают Тя, Пресвятая Дево днесь, в преставлении Твоем моли Господа спасти нас, недостойных раб Твоих.

От рода Давидова изшедшую хвалим Тя, во чреве Сына Божия поносившую, и плотию родившую.

Троичен: Твой мир даждь нам, Христе, Сыне Божий, яко не вемы иного бога, разве Тебе, со Отцем и Духом Святым славима.

Песнь 6. Возопих:

Ирмос: Воззва́х воздыха́нии немо́лчными к Ще́дрому Бо́гу, / и услы́ша мя от а́да преиспо́дняго, / и возведе́ от тли живо́т мой.

Воспоим вси Деве Марии чистым сердцем, яко преставися ныне ко Свету безсмертия, и молит непрестанно о душах наших.

От семене Давидова возсияла еси, Дево Непорочная, безсеменно рождши Христа, Бога нашего, человека от клятвы избавльша.

Песнь 7. Благословен еси:

Ирмос: Трие́ о́троцы в пещи́, Тро́ицы силою, / пламень о́гненный угасиша / и, пою́ще, вопия́ху: / благослове́н еси́, Бо́же оте́ц на́ших.

Преставление Богоматере совершаем днесь, и молимся Тебе, Содетелю всех: оставление грехов подаждь, Боже отец наших.

Днесь Дева преставляется, Господи, к безсмертней жизни, к Тебе, Человеколюбче, сего ради благодарственно взываем: благословен еси, Боже отец наших.

Троичен: Троице поклоняемся, Единей Силе, Отцу и Сыну и Духу Святому, поюще: благословен еси, Боже отец наших.

Песнь 8. Благословите:

Ирмос: Покланя́емаго от святы́х А́нгел / и Сла́вимаго непреста́нно, / свяще́нницы, по́йте, / лю́дие, превозноси́те во вся ве́ки.

Приидите, вернии, возрадуемся, яко Возжелавый спасения всего мира ныне преставляет Матерь Свою, Ейже вернии сподобишася поклонитися и воспети: священницы, благословите, людие, превозносите во веки.

Концы земнии ублажают преставление Твое, Пресвятая Богородице Дево, ибо Еву от падения возставила еси, и поношение праматере потребила еси, и яко Дверь небесная явилася еси: священницы, благословите, людие, превозносите во веки.

Безневестное рождество Твое, Христе, возсия всему миру, и преставление Девы путь жизни явися верным Твоим, и дарова всем нам рай. Священницы, благословите, людие, превозносите во веки.

Преставившаго Матерь Свою к жизни безконечней, священницы, благословите, люди, превозносите во веки.

Песнь 9. Величит:

Ирмос: Тя, Матерь Света, и по рождестве Деву, и душам нашим обитель живота, Богородице Марие, в песнех величаем.

Тя, прославившаго преставление Всехвальныя Родительницы Твоея и Ею подавшаго оставление грехов душам нашим, славим Тя, Ты бо спасл еси души наша.

В песнех славим Тя, непорочно сохраншую девство Свое, храм бо Духа Святаго явися, и отверзла еси дверь чертога небеснаго. Вси вкупе преставление Девы в песнех славим.

В песнех славим Тя, радостию исполнившу весь мир, ныне преставльшуся Матерь Царя, Еюже подается оставление грехов и велия милость. Вси вкупе преставление Девы в песнех славим.

Примечание: Указан глас и добавлены в некоторых песнях отсутствующие ирмосы.

Источник: Перевод древнейшего канона Успению. Василик В.В. Перевод с древнегрузинского языка сделан по изданию: Древний Иадгари. — Тбилиси: Мецниереба, 1980.

У СПЦ (опет) почео рат саопштењима ...

Саопштење (1.) за јавност митрополије Црногорско-приморске (о погубном утицају А. Вучића на СПЦ). 

О наводном нестанку предмета из ризнице Цетињског манастира. 

Саопштење за јавност епархије Будимљанско-никшићке: Израз дубоке захвалности на подршци црквеном и народном јединству. 

Епископ Сергије: Јавна захвалност Председнику Републике Србије.

Преп.муч. ј-м Митрофан (Матић), старешина м-ра Чокешине.

Јеромонах Митрофан Матић (на крштењу је добио име Милисав) је рођен 20. августа 1911. године у селу Иванди, близу Чакова, Епархија темишварска, од оца Ћире, грађевинара, и мајке Драге. Завршио је шест разреда основне школе и Монашку школу у манастиру Раковици 1927. и 1928. године. Монашки постриг је примио крајем 1929. године у манастиру Манасији. Блаженопочивши епископ захумско-херцеговачки Јован га је 1930. године рукоположио у чин јерођакона, а епископ Митрофан, старешина Монашке школе, га је рукоположио у чин јеромонаха.

Отац Митрофан је био сабрат манастира Раковице, Грнчарице и Рајиновца и старешина манастира Благовештења и Чокешине. Блаженопочивши епископ шабачко-ваљевски Симеон га је 1935. године одликовао правом ношења појаса. Епископ Симеон га је одликовао "за његов похвалан монашки живот и ревновање у служби повереног му манастира, а у знак архипастирског благовољења и признања".

Јеромонах Митрофан Матић је био велики подвижник, покајник, молитвеник и песник. Његово Преосвештенство епископ шумадијски др Сава Вуковић је у поговору збирке песама оца Митрофана, коју је приредио г. Радослав Браца Павловић, објавио, а тиме и од заборава сачувао неке податке о оцу Митрофану Матићу. Епископ Сава наводи да је јеромонах Митрофан у Монашкој школи био уредник "Монашког подмлатка", а као свештеномонах је сарађивао у осамнаест листова и часописа. Отац Митрофан Матић је у свом кратком овоземаљском животу стигао да објави седамдесет песама и педесет и шест чланака. Прву песму је објавио 1931. године са непуних двадесет година живота.

Јеромонаху Митрофану Матићу је Бог одредио да се нађе у вртлогу великих политичких превирања тридесетих и ратном вихору четрдесетих година овога века. Отац Митрофан је као слуга олтара Божијега и србски родољуб био декларисани антикомуниста, што је платио главом пострадавши од стране комунистичких безбожника чије је намере и демонске идеје као млад човек и духовник прозрео и презрео.

Господин Радослав Браца Павловић је у предговору збирци песама оца Митрофана (објављеној 1991. године под насловом "Монахово срце" у издању "Каленића", издавачке установе Шумадијске епархије из Крагујевца) забележио усмена сведочанства о његовој мученичкој смрти.

Павловић наводи да је оца Митрофана у једном врелом августовском дану (4. августа 1941. г.) сачекао црвени злотвор на прашњавом сељачком путу, који из села Лешнице води према манастиру Чокешини, и убио га пушчаним метком у срце наочиглед манастирског ђака Константина. Зликовац је одмах после тога нестао у непрегледној равници и њивама подно славног Цера.

Уплашени манастирски ђак Константин је довезао мртвог оца Митрофана до манастира, где су га уплашени монаси сахранили негде у дну манастирске порте, у њеној забити, у којој се од корова и широких листова репува ни крст није могао, а ни смео видети. О томе како је манастирски конак касније паљен од Немаца и партизана и како су партизани хтели да мртвом оцу Митрофану раскопају гроб и кости растуре причао је много година касније манастирски ђак Константин, потоњи игуман манастира Подластве у Грбљанском пољу недалеко од Будве, једини сведок погибије оца Митрофана Матића.

Епископ шумадијски др Сава је у поговору његове збирке песама навео да када је црвени злотвор, уз извињење, саопштио да му је наређено да га убије, јеромонах, песник и Свештеномученик Митрофан му је рекао: "Чини оно што ти је наређено!"

О погибији јеромонаха Митрофана Матића је писано и у књизи Боривоја М. Карапанџића "Прикази из емиграције", Кливленд, 1964. године, и у књизи "КПЈ у рату и револуцији - истина о наводно ослободилачкој борби", Минхен, 1979. године.

[Преузто из електронског издања: Велибор В. Џомић - Страдање србске цркве од комуниста - Комунистички злочини над србским свештеницима (први део), СВЕТИГОРА, Издавачка установа Митрополије Црногорско-Приморске, Цетиње 2000. г.]

Повезан чланак: ПРВОМУЧЕНИК КОМУНИСТИЧКОГ ТЕРОРА.